1
Lénga lan Elunga on Mon Jul 27, 2009 4:34 pm
dyayu
VISUDDHA
Number of posts: 2749
Reputation: 11
Registration date: 2008-07-17
Olih Nyoman Manda
Sing suud-suud gumi Indonesiané katibén sengkala. Mara kudang masa rasanné guminé madegdegan sing taén ada ceduran bom, sagét buin pragina térorisé ngrejeng ngigelang baris gedé, macedur ngeplagang bom. Uug magladuran Hotél J. W. Merriot lan Ritz Carlton. Paglémpang korbané, anak salah pati, anak sing ngelah pelih sagčt suba kakedeng ka gumi wayah. Sigsigan eling sang tininggal mangarod-arod. Makejang anaké matbat jlema elas wanén bunuh diri manjakin ékstrimis-ékstrimis bengis. Sing ja eling para keluarga korban bomé duén, ada masi gedeg matbat para pangoneng sepak bola Mancester United, uling kudang bulan suba ngagen bakal mabalih pemain Setan Merah langsung sing ja liwat layar kaca, jani jeg kapunggel olih téroris sadis spésialis ngebom hotél, bar, lan kafé.
Yan tlisik ring kayun uling pidan ping kuda suba térorisé nguwugang gumi Indonésiané. Menyahang perékonomian Indonésia, nguyak pariwisata Indonésia di mata dunia apang sing ada toris malali ka Indonésia. Pamréntah suba yatna siaga lan pastika bakal ngancurang téroris kanti suba mabukti tokoh-tokoh térorisé katembak mati cara Iman Samudra cs, Dr. Ashari japin ja enu ada Nurdin M. Top kayang jani sing nyidaang ubera tekén pasukan khusus 88. Rasanné pamréntah sing taén lénga bakal ngancurang térorisé. Nanging jani buin seken mabukti térorisé buin bisa ngebom hotél di pusat gumi Indonésia di diaepan cunguh para pengawal gumi tercinta. Aparat pengamanan sing ja lénga, pengejaran téroris terus majalan, TV pengintai kapasang di tongos-tongos strategis di hotél. TV lan sekuritiné suba siaga pesan. Baan liun tamiuné kanti sing kena baan ngingetang ané kén mula saja turis sejati, ané kén toris téroris. Hotél ané suba taén kena bom, penjagaané ketat lan nganggo alat modéren canggih masi bisa kena bom. Dija kuangné, dija léngané mawinan térorisé bisa mapang ngéndah pélag nyedurang bom bunuh diri. Sing lénga, nanging bakat elunga. Kudang jlema mati lan matatu parah sing tan ngelah pelih ngawag-awag matiné.
Ring Bali niki patut yatnain pisan krana akéhné obyek wisata ramé, sakadi hotél, réstoran, bar di Nusa Dua, Sanur, Kuta, Siminyak, Ubud biasa turis/pengunjung pasliwer ngandong tas, ané kén turis sajaan ané kén toris téroris. Menawi perlu yatnain antuk pawarah alit upaminipun ten dados ngandong tas ka réstoran/bar/kafé yadiastun satpamé sampun siaga makta détéktor. Sampun ja siaga pesan keni antuk sakadi di élahé lénga bakat elunga aji bom bunuh diri macedur. I raga durus né hancur mati ngawag-awag. Napi malih ring Bali puniki patut yatnain pisan olih aparat penjaga keamanan, olih pelaku pariwisata, lan olih krama Bali padidi mangda ten malih Bali dados sasaran empuk bom. Cukup apisan mangun monumén bom apang ten minduang lacuré maumah sané ngranayang pariwisata lan pendapatan daérah Bali uug ilang sangkaning ulah polah téroris. Indayang pikayunin yan pacang nyelametang lan ngajegang Bali becikang keletang akedik sampunang longgar sangkaning maperdi dolar.
Sing suud-suud gumi Indonesiané katibén sengkala. Mara kudang masa rasanné guminé madegdegan sing taén ada ceduran bom, sagét buin pragina térorisé ngrejeng ngigelang baris gedé, macedur ngeplagang bom. Uug magladuran Hotél J. W. Merriot lan Ritz Carlton. Paglémpang korbané, anak salah pati, anak sing ngelah pelih sagčt suba kakedeng ka gumi wayah. Sigsigan eling sang tininggal mangarod-arod. Makejang anaké matbat jlema elas wanén bunuh diri manjakin ékstrimis-ékstrimis bengis. Sing ja eling para keluarga korban bomé duén, ada masi gedeg matbat para pangoneng sepak bola Mancester United, uling kudang bulan suba ngagen bakal mabalih pemain Setan Merah langsung sing ja liwat layar kaca, jani jeg kapunggel olih téroris sadis spésialis ngebom hotél, bar, lan kafé.
Yan tlisik ring kayun uling pidan ping kuda suba térorisé nguwugang gumi Indonésiané. Menyahang perékonomian Indonésia, nguyak pariwisata Indonésia di mata dunia apang sing ada toris malali ka Indonésia. Pamréntah suba yatna siaga lan pastika bakal ngancurang téroris kanti suba mabukti tokoh-tokoh térorisé katembak mati cara Iman Samudra cs, Dr. Ashari japin ja enu ada Nurdin M. Top kayang jani sing nyidaang ubera tekén pasukan khusus 88. Rasanné pamréntah sing taén lénga bakal ngancurang térorisé. Nanging jani buin seken mabukti térorisé buin bisa ngebom hotél di pusat gumi Indonésia di diaepan cunguh para pengawal gumi tercinta. Aparat pengamanan sing ja lénga, pengejaran téroris terus majalan, TV pengintai kapasang di tongos-tongos strategis di hotél. TV lan sekuritiné suba siaga pesan. Baan liun tamiuné kanti sing kena baan ngingetang ané kén mula saja turis sejati, ané kén toris téroris. Hotél ané suba taén kena bom, penjagaané ketat lan nganggo alat modéren canggih masi bisa kena bom. Dija kuangné, dija léngané mawinan térorisé bisa mapang ngéndah pélag nyedurang bom bunuh diri. Sing lénga, nanging bakat elunga. Kudang jlema mati lan matatu parah sing tan ngelah pelih ngawag-awag matiné.
Ring Bali niki patut yatnain pisan krana akéhné obyek wisata ramé, sakadi hotél, réstoran, bar di Nusa Dua, Sanur, Kuta, Siminyak, Ubud biasa turis/pengunjung pasliwer ngandong tas, ané kén turis sajaan ané kén toris téroris. Menawi perlu yatnain antuk pawarah alit upaminipun ten dados ngandong tas ka réstoran/bar/kafé yadiastun satpamé sampun siaga makta détéktor. Sampun ja siaga pesan keni antuk sakadi di élahé lénga bakat elunga aji bom bunuh diri macedur. I raga durus né hancur mati ngawag-awag. Napi malih ring Bali puniki patut yatnain pisan olih aparat penjaga keamanan, olih pelaku pariwisata, lan olih krama Bali padidi mangda ten malih Bali dados sasaran empuk bom. Cukup apisan mangun monumén bom apang ten minduang lacuré maumah sané ngranayang pariwisata lan pendapatan daérah Bali uug ilang sangkaning ulah polah téroris. Indayang pikayunin yan pacang nyelametang lan ngajegang Bali becikang keletang akedik sampunang longgar sangkaning maperdi dolar.
