1
Madaya on Mon Jul 06, 2009 9:31 am
dyayu
VISUDDHA
Number of posts: 2749
Reputation: 11
Registration date: 2008-07-17
Mas Ruscitadéwi
Anaké sané ngrasa-ngrusu mapidabdab, kirang nganggé wiwékannnyané biasané nénten prasida mapikolih becik. Soang-soang pakaryan pacang prasida mapikolih yéning sang sané nyaryanin nénten wadih-wadih malajahang raga, tur nyimbarang kawiwékannyané.
Makarya, napi malih makarya ring widang pertanian, nénten ja kadi manik sakecap, napi sané kaaptiang prasida ngasilang pramangkin.
Pidabdab sané ketah sakadi manik sakecap, sané kadi sunglap, molihang asil akéh, pungkuran pacang sayan nguredang, kadi kerugan ombaké, sané ageng dumunan, pungkuranné sayan nyenikang.
Meled polih asil akéh, napi malih yan dados nénten antuk makarya abot mangkin sakadi dados prarabdan jadmané, taler anak sané makarya ring widang pertanian.
Polih asil akéh boya ja iwang, kéwanten para petaniné patut mautsaha antuk tata cara sané patut, tur nénten wadih-wadih malajah. Malajah saking sang wikan ring widang pertanian, malajah saking petani siosan sané sampun mapengalaman, malajah saking tanah, saking tetaneman mangda kawikanané sayan jimbar lan tanying. Patut tan wadih-wadih madaya mangdané prasida polih asil becik.
Madaya driki boya ja nguluk-nguluk timpal, boya ja mekelin sang sané numbas asil pertaniané mangda prasida maelan, kéwanten madaya, ngrereh pamargi lan panyawis sakancan pikobet sané wénten ring widang pertaniané.
Umpaminé ring tanah sané tuh mangda prasida setata beseg sapunapi antuk ngéka daya.
Pinaka manusa sané madué manah, sinah pacang prasida ngametuang pamargi, antuk ngatur toya mangda kayun sakadi pasién sané mainfus. Kénten taler ri kala pangargan pupuk lan péstisidané sayan nicap, i petani patut ngéka daya sapunapi antuk makarya pupuk lan péstisida saking lakar-lakar sané dangan kakeninang lan mudah.
Galah naném taler prasida kadayanin mangdané prasida nglimbak polih asil. Contoné, ring tanah sané asiki tanem mangkin, ring tanah sané lianan tanem asasih pungkuran, tanah sané siosan asasihné malih. Yéning masan nanemnyané prasida katata, kagilir, sinah masan nekang asil taler prasida magilir. Yéning uman i ragané prasida ngasilang magilir, sinah nénten pacang prasida kamainang olih pasar, olih sang sané numbas.
Driki sinah pisan ring soang-soang pakaryan, i raga patut madaya. Madaya nyimbarang wiwéka lan mautsaha ngrereh panyawis sakancan pikobeté.
Anaké sané ngrasa-ngrusu mapidabdab, kirang nganggé wiwékannnyané biasané nénten prasida mapikolih becik. Soang-soang pakaryan pacang prasida mapikolih yéning sang sané nyaryanin nénten wadih-wadih malajahang raga, tur nyimbarang kawiwékannyané.
Makarya, napi malih makarya ring widang pertanian, nénten ja kadi manik sakecap, napi sané kaaptiang prasida ngasilang pramangkin.
Pidabdab sané ketah sakadi manik sakecap, sané kadi sunglap, molihang asil akéh, pungkuran pacang sayan nguredang, kadi kerugan ombaké, sané ageng dumunan, pungkuranné sayan nyenikang.
Meled polih asil akéh, napi malih yan dados nénten antuk makarya abot mangkin sakadi dados prarabdan jadmané, taler anak sané makarya ring widang pertanian.
Polih asil akéh boya ja iwang, kéwanten para petaniné patut mautsaha antuk tata cara sané patut, tur nénten wadih-wadih malajah. Malajah saking sang wikan ring widang pertanian, malajah saking petani siosan sané sampun mapengalaman, malajah saking tanah, saking tetaneman mangda kawikanané sayan jimbar lan tanying. Patut tan wadih-wadih madaya mangdané prasida polih asil becik.
Madaya driki boya ja nguluk-nguluk timpal, boya ja mekelin sang sané numbas asil pertaniané mangda prasida maelan, kéwanten madaya, ngrereh pamargi lan panyawis sakancan pikobet sané wénten ring widang pertaniané.
Umpaminé ring tanah sané tuh mangda prasida setata beseg sapunapi antuk ngéka daya.
Pinaka manusa sané madué manah, sinah pacang prasida ngametuang pamargi, antuk ngatur toya mangda kayun sakadi pasién sané mainfus. Kénten taler ri kala pangargan pupuk lan péstisidané sayan nicap, i petani patut ngéka daya sapunapi antuk makarya pupuk lan péstisida saking lakar-lakar sané dangan kakeninang lan mudah.
Galah naném taler prasida kadayanin mangdané prasida nglimbak polih asil. Contoné, ring tanah sané asiki tanem mangkin, ring tanah sané lianan tanem asasih pungkuran, tanah sané siosan asasihné malih. Yéning masan nanemnyané prasida katata, kagilir, sinah masan nekang asil taler prasida magilir. Yéning uman i ragané prasida ngasilang magilir, sinah nénten pacang prasida kamainang olih pasar, olih sang sané numbas.
Driki sinah pisan ring soang-soang pakaryan, i raga patut madaya. Madaya nyimbarang wiwéka lan mautsaha ngrereh panyawis sakancan pikobeté.
