1
Mas Ruscitadéwi : Seniman on Mon Jun 29, 2009 9:43 am
dyayu
VISUDDHA
Eda ngadén awak bisa, depang anaké ngadani, kénten munyin gegendingan Baliné sané ketah kaanggén nuturin alit-alit lan anom-anomé. Lengkara gegendingan punika mangkin sering pisan kaketusang, kéwanten sayan sering kanikaang sayan doh dagingnyané kakeniang. Lengkara eda ngadén awak bisa, depang anaké ngadanin kadi kaanggén mabungah, babongan-bongan mangdané aéng. Driki lengkara sané dagingnyané nuturang mangdane I raga patut setata ngandapang raga, ri kala kaketusang pangrasané nyapa kadi aku, duaning marasa sampun antes nganikang. Driki pangrasa sané metu lan pangaptian tuturé nungkalik. Pangenahné lemuh, sujatinné nyongkrah.
Kaanggénnyané lengkara eda ngadén awak bisa, depang anaké ngadanin, masaih kadi pangakun anaké pinaka seniman galah-galah pungkuran puniki.
Akéh krama Baliné sané nénten lek ngangken raganné pinaka seniman yadiastun durung pastika pisan seni napi sané sampun prasida kaasilang. Driki sang sané ngangken seniman kadi tan uning, utawi mapi-mapi tan uning binannyané pakaryan seni lan kerajinan, binannyané juru igel, juru gambel lan pangripta igel lan tabuh. Makasami gapyok, nganikang ragané seniman, seniman Bali.
Nika mawinan, ring tepengan galah Pesta Kesenian Bali kadi mangkinné, nénten soléh malih yéning ring Taman Budaya sarahina-rahina makacakan para seniman-seniman Baliné, sané yakti-yakti seniman, sané kanikaang seniman lan sané ngangken raga seniman.
Kéwanten amunika mabrarakanné seniman-seniman Baliné, rasané meweh pisan ngrereh karya seni sané prasida ngulangunin lan kangkenin olih wangsa-wangsa siosan.
Saking metunyanya PKB warsa 1978, rasanné durung wénten embas karya seni adiluhung sané ngawinang sang sané ngaryanin antes kawastanin seniman.
Seniman sakadi Kakul, I Mario, Limbak, Reneng, Cenik, Beratha, Rembang, Loceng, Lempad, Cokot, Gus Madé lan sané siosan sané sampun kaloktah sadurung Pésta Kesenian kamargiang. Taler aran Nyoman Gunarsa, Wianta, Érawan, Budiana, Jirna sane kasub ring widang seni rupa boya ja sangkaning PKB.
Dadosné yan bilih-bilih, yén selehin malih, rasane during wénten seniman sané embas sangkaning PKB. Aran I Madé Mudra pinaka sekuni, Déwa Sayang pinaka dalang séndratari naenang kasub kéwanten raris ical kakeberang angin satinut ring sayan uebnyané sunar séndratarinné.
Mangkin ring galah becik Pésta Kesenian Baline, minab becik taler yéning para seniman-seniman Baliné matakén ring anggannyané soang-soang, sampunké i raga ngwetuang seni, sané yakti-yakti marupa seni anyar, sané ngawinang i raga antes ngangken raga seniman.
Kaanggénnyané lengkara eda ngadén awak bisa, depang anaké ngadanin, masaih kadi pangakun anaké pinaka seniman galah-galah pungkuran puniki.
Akéh krama Baliné sané nénten lek ngangken raganné pinaka seniman yadiastun durung pastika pisan seni napi sané sampun prasida kaasilang. Driki sang sané ngangken seniman kadi tan uning, utawi mapi-mapi tan uning binannyané pakaryan seni lan kerajinan, binannyané juru igel, juru gambel lan pangripta igel lan tabuh. Makasami gapyok, nganikang ragané seniman, seniman Bali.
Nika mawinan, ring tepengan galah Pesta Kesenian Bali kadi mangkinné, nénten soléh malih yéning ring Taman Budaya sarahina-rahina makacakan para seniman-seniman Baliné, sané yakti-yakti seniman, sané kanikaang seniman lan sané ngangken raga seniman.
Kéwanten amunika mabrarakanné seniman-seniman Baliné, rasané meweh pisan ngrereh karya seni sané prasida ngulangunin lan kangkenin olih wangsa-wangsa siosan.
Saking metunyanya PKB warsa 1978, rasanné durung wénten embas karya seni adiluhung sané ngawinang sang sané ngaryanin antes kawastanin seniman.
Seniman sakadi Kakul, I Mario, Limbak, Reneng, Cenik, Beratha, Rembang, Loceng, Lempad, Cokot, Gus Madé lan sané siosan sané sampun kaloktah sadurung Pésta Kesenian kamargiang. Taler aran Nyoman Gunarsa, Wianta, Érawan, Budiana, Jirna sane kasub ring widang seni rupa boya ja sangkaning PKB.
Dadosné yan bilih-bilih, yén selehin malih, rasane during wénten seniman sané embas sangkaning PKB. Aran I Madé Mudra pinaka sekuni, Déwa Sayang pinaka dalang séndratari naenang kasub kéwanten raris ical kakeberang angin satinut ring sayan uebnyané sunar séndratarinné.
Mangkin ring galah becik Pésta Kesenian Baline, minab becik taler yéning para seniman-seniman Baliné matakén ring anggannyané soang-soang, sampunké i raga ngwetuang seni, sané yakti-yakti marupa seni anyar, sané ngawinang i raga antes ngangken raga seniman.
