1
Sat Tuara on Mon Jul 27, 2009 4:34 pm
dyayu
VISUDDHA
Number of posts: 2749
Reputation: 11
Registration date: 2008-07-17
Olih Mas Ruscitadéwi
Nyatua sujatinné nénten ja kéweh duaning sabilang galah i raga pastika masatua. Ri kala matemu sareng somah, pianak, kulawarga, sawitra, lan anak siosan sinah i raga pacang nyatua. Ri sampunapiné wénten anak sané kasambat seneng nyatua. Mrika-mriki galahnyané telas kaanggén nyatua. Yéning satua-satua sané kabaktayang becik, nglangenin, baud, tur kabaktayang antuk tata cara sané lengut, sinah pacang akéh sané nampekin, turin prasida akéh molihang sawitra. Sakéwanten yéning mrika-mriki wantah nyatuang kakaonan anak siosan, sinah kasuén-suén nénten wénten sané kayun nampekin, pamuputné katilarin nyama lan braya.
Nyatua nénten ja wantah anggén ngrereh sawitra. Nyatua prasida kaanggén jalaran ngajahin alit-alité. Ring satua-satuané beburon lan entik-entikan ketah kacritayang prasida mabaosan sareng i manusa, kénten taler toya, ambu, lan sané siosan. Minab sangkaning punika satua ketah kabaosang pinaka sat sané tuara, indik sané sujatinné nénten wénten.
Yadiastun satua kabaosang indik sané sujatinné nénten wénten, napi sané mamargi ring satua-satuané nyihnayang parisolah jadmané daweg satuané kakawi. Indayang uratiang satua indik "I Tuwung Kuning", "Pakang Laras", lan sané siosan. Yadiastun unteng satua-satua punika nénten ring kawéntenan jadma bebotoh tajén, pamargin satuané ngilis pisan nguningang indik kawéntenan bebotoh. Kénten taler indik oka istri sané nénten kakanggéang olih reraman lanangné ring carita "I Tuwung Kuning" punika.
Satua "I Siap Selem" nguningang indik kawéntenan tukad-tukad sané kantun katoya ageng, tur kawéntenan sakancan endik-entikan sakadi canging, poh, nyambu, lan sané siosan miwah kawéntenan batu panyantokané. Satua "I Capung Bangkok" sinah nyihnayang duk punika kantun akéh kapanggihn sakancan capung, kedis belatuk, omang-omang, kunang-kunang, lan beduda.
Sayuwakti sakancan satua-satua punika nénten yakti-yakti kawéntenannyané, sakéwanten yéning kayun melutin sinah pacang kakeniang dagingnyané, sané prasida kaanggén sesuluh.
Sakadi woh-wohané, nénten ja makasami woh-wohan wantah maguna isinnyané kémanten, batun lan kulitnyané taler maguna. Ri sapunapiné, ring kulit magenah vitamin A lan B sané maguna pisan majeng kauripan i ragané, sakadi sané prasida kakeniang ring pantuné.
Nyatua sujatinné nénten ja kéweh duaning sabilang galah i raga pastika masatua. Ri kala matemu sareng somah, pianak, kulawarga, sawitra, lan anak siosan sinah i raga pacang nyatua. Ri sampunapiné wénten anak sané kasambat seneng nyatua. Mrika-mriki galahnyané telas kaanggén nyatua. Yéning satua-satua sané kabaktayang becik, nglangenin, baud, tur kabaktayang antuk tata cara sané lengut, sinah pacang akéh sané nampekin, turin prasida akéh molihang sawitra. Sakéwanten yéning mrika-mriki wantah nyatuang kakaonan anak siosan, sinah kasuén-suén nénten wénten sané kayun nampekin, pamuputné katilarin nyama lan braya.
Nyatua nénten ja wantah anggén ngrereh sawitra. Nyatua prasida kaanggén jalaran ngajahin alit-alité. Ring satua-satuané beburon lan entik-entikan ketah kacritayang prasida mabaosan sareng i manusa, kénten taler toya, ambu, lan sané siosan. Minab sangkaning punika satua ketah kabaosang pinaka sat sané tuara, indik sané sujatinné nénten wénten.
Yadiastun satua kabaosang indik sané sujatinné nénten wénten, napi sané mamargi ring satua-satuané nyihnayang parisolah jadmané daweg satuané kakawi. Indayang uratiang satua indik "I Tuwung Kuning", "Pakang Laras", lan sané siosan. Yadiastun unteng satua-satua punika nénten ring kawéntenan jadma bebotoh tajén, pamargin satuané ngilis pisan nguningang indik kawéntenan bebotoh. Kénten taler indik oka istri sané nénten kakanggéang olih reraman lanangné ring carita "I Tuwung Kuning" punika.
Satua "I Siap Selem" nguningang indik kawéntenan tukad-tukad sané kantun katoya ageng, tur kawéntenan sakancan endik-entikan sakadi canging, poh, nyambu, lan sané siosan miwah kawéntenan batu panyantokané. Satua "I Capung Bangkok" sinah nyihnayang duk punika kantun akéh kapanggihn sakancan capung, kedis belatuk, omang-omang, kunang-kunang, lan beduda.
Sayuwakti sakancan satua-satua punika nénten yakti-yakti kawéntenannyané, sakéwanten yéning kayun melutin sinah pacang kakeniang dagingnyané, sané prasida kaanggén sesuluh.
Sakadi woh-wohané, nénten ja makasami woh-wohan wantah maguna isinnyané kémanten, batun lan kulitnyané taler maguna. Ri sapunapiné, ring kulit magenah vitamin A lan B sané maguna pisan majeng kauripan i ragané, sakadi sané prasida kakeniang ring pantuné.
